Estimadas familias:

​Queremos informarvos sobre a reunión mantida o pasado 23 de setembro de 2026 entre representantes da ANPA Bidueiro e do Goberno local de Oleiros.

O obxectivo principal desta xuntanza foi trasladar a preocupación da nosa comunidade educativa tras as obras de mellora do pavillón e a consecuente restrición do seu uso.

​A continuación, resúmense os puntos máis relevantes tratados no encontro:

Preocupacións trasladadas pola ANPA

• ​Falta de espazos cubertos: Salientamos a necesidade urxente de contar con áreas protexidas suficientes para acoller ao elevado volume de alumnado do centro durante os tempos de lecer e actividades.
• A petición de familias de nenos e nenas con Necesidades Específicas de Apoio Educativo, trasladamos o malestar pola acumulación de alumnado en espazos reducidos. Explicamos como os cambios de rutina e de espazos derivados das obras, e que continuarán cos novos criterios da administración, afectan especialmente a este alumnado.

​ Postura do Concello

​A administración sinalou que se estaba a facer un uso do pavillón que consideran “inadecuado”, alegando que a instalación debe destinarse exclusivamente a actividades deportivas e non como patio de colexio.

​Informaron de que xa comunicaran ao centro por correo electrónico a futura limitación de uso destas instalacións.

​Acordos e liñas de traballo futuras

• ​Búsqueda de alternativas e melloras: O Concello amosouse disposto a valorar distintas propostas para paliar a falta de espazo, tales como unha pequena ampliación na zona lateral, un cerramento ou solucións para facer máis seguro o patio cuberto situado sobre as gradas.
• ​Participación da ANPA: A administración convidounos a achegar ideas e comprometeuse a avisarnos cando acudan ao colexio para avaliar estas medidas sobre o terreo, permitíndonos estar presentes.

​Dende a ANPA seguiremos traballando e colaborando coas administracións para garantir que os nosos nenos e nenas disproñan duns espazos escolares dignos, seguros e inclusivos.

Manterémosvos informados de calquera novidade.

Ola, familias.

Como xa sabedes, durante o verán realizáronse obras no noso comedor escolar. Aínda que se realizaron traballos no tellado e solucionáronse as goteras, quedou pendente a pintura interior do comedor.

O pasado martes, 22/9, compañeiros e compañeiras da ANPA mantiveron unha reunión coa Dirección Territorial da Consellería de Educación da Xunta de Galicia, co obxectivo de coñecer os prazos previstos para a finalización das obras.

Este é un resumo do tratado na reunión:

🎨 Pintado do comedor
Unha vez solucionado o problema de filtracións da cuberta do comedor, a Dirección Territorial confirmou a actuación de pintado de todo o seu espazo interior, incluídos os radiadores.

📅 Cando?
A actuación comezará canto antes. A empresa xa realizou a medición e está autorizada para iniciar os traballos, polo que poderían comezar mesmo esta fin de semana.

⏱️ Duración: aproximadamente 3-4 días. Durante este período, coordinarase coa dirección do centro a reorganización das actividades lectivas, do comedor e extraescolares.

🏫 Ampliación dos espazos do centro
Trasladamos novamente a necesidade de ampliar os espazos do centro. Explicóusenos que as obras de maior envergadura dependen da Consellería e que cada ano se seleccionan determinados centros para reformas integrais, en función de criterios como a antigüidade do edificio, as necesidades de escolarización e a súa localización.

A Dirección Territorial xa coñece a nosa petición e comprometeuse a trasladala aos responsables correspondentes, aínda que non pode confirmarmos unha data. Desde a ANPA seguiremos insistindo nesta demanda coa esperanza de que se solucione canto antes.

🤝 Seguimento
Tamén se acordou realizar unha visita ao centro unha vez rematadas as obras do comedor, á que a ANPA está convidada. A Dirección Territorial mostrouse, ademais, aberta a manter o contacto coa ANPA sempre que sexa necesario.

Desde a ANPA seguiremos informando das novidades e facendo seguimento destas actuacións e das necesidades do noso centro.

Grazas ás familias por acompañarnos e apoiar estas reivindicacións.

Ola, familias!

Xa está aberta a inscrición para o servizo de conciliación que ofrecemos en setembro, de 16:00 a 17:00 h.

Por favor, accede ao Portal para facer a inscrición.

Se xa fixeches a inscrición nas actividades extraescolares, que comezan o 1 de outubro, non é necesario que fagas nada.

Grazas!!

La Consellería de Política Social e Igualdade convoca las ayudas económicas del programa Bono Concilia Familia 2026, destinadas a apoyar a las familias en la atención de sus hijas e hijos en situaciones puntuales de necesidad de conciliación y durante los períodos de vacaciones escolares.

Más información: https://xuventude.xunta.gal/es/node/4857

Queridas familias:

Queremos informarvos de que, debido ás obras que se están realizando no pavillón e ao proceso de cambio da empresa responsable das actividades extraescolares, este curso as actividades extraescolares non poderán comezar ata o 1 de outubro.

Somos conscientes de que este atraso, co que inicialmente non contabamos, pode supoñer un importante inconveniente para a organización e a conciliación de moitas familias. Sentimos sinceramente as molestias que esta situación vos poida ocasionar e agradecemos de antemán a vosa comprensión.

Co obxectivo de ofrecer unha alternativa durante este período, conseguimos que a empresa de actividades extraescolares poña a disposición das familias un servizo temporal de conciliación, de 16:00 a 17:00 h, cun prezo reducido.

Importante: este servizo cubrirá unicamente a primeira hora, de 16:00 a 17:00 h. Non estará dispoñible para a segunda hora.

Os prezos serán:

• 1 día á semana → 9 €
• 2 días á semana → 18 €
• 3 días á semana → 24 €
• 4 días á semana → 30 €
• 5 días á semana → 36 €

As inscricións faranse desde o Portal da ANPA. Manterémosvos informados.

Lamentamos novamente os inconvenientes derivados deste atraso e agradecemos a vosa paciencia e colaboración.