Estimadas familias, rematamos o primeiro treito do curso. Afortunadamente non tivemos incidencias salientables no ámbito do COVID e grazas o esforzo de todos conseguimos sacar adíante este día a día tan inusúal.

Nas vésperas do comezo do curso a cousa non pintaba ben, atopamos varias resistencias que fumos salientando. Tivemos que facer protocolos para comedor e actividades así como axustarnos o protocolo do colexio. Para o servizo de comedor tivemos que facer varias revisións según ían saíndo as modificacións e para actividades, ata a semana antes de empezar non tiñamos aseguradas as condicións para a súa viabilidade.

Unha vez solventado os servizos comezaron a funcionar, tivemos un período de adaptación e axustes, cousa inevitable ante tantas modificacións e restricións existentes. Despois de isto funcionouse sin incidencias.

Queremos agracer as todas as nais e pais a gran comprensión que tivestes, a vosa paciencia e os vosos ánimos que tamén nos chegaron. Sabemos que seguro se puido facer algunha cousa mellor pero no noso ánimo está seguir traballando e mellorando durante a duración de esta xunta directiva. A este agradecemento quérense sumar a ASUETO e AS MARIÑAS, nos trasladan o excepcional comportamento e respeto as normas das nenas e nenos. Fixeron sinxelo todo iso que a nos nos parecía tan engorroso, mascaras, grupos burbulla, hixiene de mans, saídas e entradas… todo un conxunto de cousas que asumiron con unha gran normalidade e mostrándonos que non era tan complexo, solo era diferente. Unha gran lección.

O noso agradecemento para estas dúas empresas, sempre contamos co súa colaboración, aínda no momento en que parecía imposible sacar os servizos adiante, aportáronse ideas, solucións e ánimos. O seu esforzo fixo que os nosos fillos tivesen servizo de comedor e actividades.

Queremos ter un agradecemento o equipo directivo do cole co que tivemos traballando todo o mes de Agosto, tamén os profesores e demais persoal do centro.

So nos queda desexar que pasedes unhas boas festas, que o próximo ano sexa normal e cheo de saúde e que podamos continuar o resto do curso como ata o de agora, sin maior novidade.

Grazas e Bo Nadal