Este curso 2024 corresponde a renovación parcial dos membros do Consello Escolar dos Centros Públicos de Galicia. O consello escolar do centro é o órgano de participación da comunidade educativa no goberno dos centros. É moi importante que os pais e as nais se presenten ás eleccións, que serán en novembro (aínda non se comunicou a data exacta). Se queres saber máis sobre as funcións que desenvolve o Consello Escolar do Centro, fai clic aquí.

A Federación Provincial de ANPAs de Centros Públicos A Coruña organiza un curso de formación no que explican todo o proceso (constitución da xunta electoral, procedemento de elección e substitución, papeletas de votación, prazos de reclamación, constitución do novo consello, competencias, dereitos dos membros, prazos de convocatorias e entrega de documentación, etc.). Para inscribirse no curso, que terá lugar o vindeiro sábado 19/10 de 10:00 a 13:00 hs, fai clic aquí.

Moitas grazas!

Ola familias:

Dende a ANPA Bidueiro desexámosvos un bo comezo de curso.

Lembrade que podedes inscribirvos como socios da ANPA. A vosa colaboración é moi importante para poder seguir xestionando servizos como o comedor e as actividades extraescolares.

Para rexistrarse como novo membro da ANPA ou para renovar a subscrición para este curso, cumprimenta o formulario de inscrición en calquera das súas versións (online ou PDF para descargar e enviar a info@anpabidueiro.es).

Non dubides en contactar connosco para compartir ideas e suxestións para este novo curso.

Moitas grazas, coma sempre, pola vosa colaboración.

Todo o mellor,

ANPA Bidueiro