20N Día de loito nos colexios de Oleiros
Coincidindo co Día Mundial da Infancia o 20 de novembro, tódalas ANPAS de tódolos colexios do municipio convocan, xunto co Concello de Oleiros, concentracións coordinadas á mesma hora, ás 8:40 da mañá, diante de cada centro.
Vestiremos de negro e gardaremos uns minutos de silencio para simbolizar o grave desamparo que estamos a sufrir nas escolas por parte da Xunta de Galicia e o fin do ensino público de calidade.
A falta de profesorado PT e AL, a falta de mestres titores e de reforzo nas aulas ou a eliminación de proxectos de enorme interese educativo, cultural e comunitario, están a provocar unha enorme precariedade nas nosas escolas.
Este curso os recortes máis graves e evidentes das plantillas docentes por parte da Consellería teñen lugar no CEIP Valle Inclán e no CEIP Juana de Vega, pero poderían ter sido, ou serán no futuro, en calquera outro colexio do municipio.
Ante esta situación, as familias, o profesorado e o Concello de Oleiros nos unimos e participamos activamente nestas concentracións para xuntar forzas e esixir que se deixen de vulnerar os nosos dereitos por parte da administración autonómica e loitar por unha escola pública de calidade.
Convidamos a toda a veciñanza a que se una e participe tamén.
Pregamos que se faga difusión da convocatoria para que participe o maior número de persoas. Achegamos cartel da iniciativa.
Non estamos a defender só un colexio: estamos a loitar polo futuro dos nosos nenos e nenas.
ANPAS dos CEIP de Oleiros
Entidades participantes:
– ANPA Valle Inclán (concentración diante do CEIP Ramón María del Valle Inclán, Perillo)
– AFA Nós (concentración diante do CEIP Juan de Vega, Nós)
– ANPA CEIP Luis Seoane (concentración diante do CEIP Luis Seoane, Mera)
– ANPA Ensino CEIP Rabadeira (concentración diante do CEIP Rabadeira, Oleiros)
– ANPA Bidueiro CEIP Isidro Parga Pondal (concentración diante do CEIP Isidro Parga Pondal, Sta. Cruz)
– CEIP Juana de Vega (concentración de mestres e alumnado durante o horario lectivo no colexio)
– Concello de Oleiros